فصول الحياة
كلنا عنا ظروف بس الفرق بيناتنا نحنا الكل انوا كل حدا فينا بيختار أربع فصول لحياتوا!
بدل فصّل الشتاء اخترنا نجمد مشاعرنا كحبوب تلج عم تنزل و تغطي خفايا نقاط الضعف!
بدل فصّل الربيع اخترنا نكَّبل الحزن بزنزانة التفاؤل يمكن بحضن كلّوا أعياد حب و زهور ، أمان و سلام من حروب و عواصف استعمرت قلوبنا!
بدل فصّل الصيف اخترنا النسيان و اعتبرنا هالفصّل هوّي الأهم بس الصيف في شمس عم تشرق الصبح و تغيب بليل ، ليطلع القمر و تتزين سما الحرية بالنجوم…
نحنا شو اخترنا او استبدلنا؟
استبدلنا الشمس بقناع المثالية!
و استبدلنا الليل بستر عيوبنا !
القمر بنقاء المشاعر المظلومة بسجن القسوة!
النجوم بكلمات ماتت جواتنا لأنوا الوقت عدَّ و البكي على راس الميت!
الخريف!
فصّل الخريف هوّي فصّل الراحة من أعباء هالحياة…
الكتمان و الصمت هني بيشبهوا كتير سّدّ النيل!
رح يجي يوم و ينهار هالسّدّ متل ما رح يجي يوم و الشمس تشرق من الغرب!
بسيطة المعادلة لانوا كل شي بهل حياة الوا نقطة نهاية…
