أنا الكسبان

أنــا الكســـــبان

شــريتى الناس وأنــا جنبك وبيعتينـــــى
ولمـــا فاتـــوكى مــن تانــى رجعتيلـــى
مــش ع الــرف أنــا للعــــوزة تلاقينــى
رصيـــد مستنى ساعــة الزنقة تيجينـــى
بكـــــل كلامـــك المعســــــول تغنيلـــى
تقـــــولى حبــــك الصـــــادق بيحمينــى
ياخــدنى بعيـــد عن الدنيــا ويحوينـــــى
وجــوه حضنــك الــدافــــى تــدفينــــــى
وهـــات يا كلام غُنى وأحـلام تلاغينــى
لا ياحلــوه دى نغمة مملـــــــة إنسينــى

أنا رافض أكون شخشيـــخه ف إيــديكى
أو اللعبــــــة اللــى جـــايبنهــا تسليكـــى
أو النغمــة اللـى فى حزنـك بتشجيكــــى
لا يا حلـــوة ، أنا رافـض أكـون ليكــــى
مجرد شـــئ عشــان يسمع غنـــاويكـــى
ويمسح دمعة حايرة جــوه ف عنيكــــى
وآخر كلمـــة بيننا يــا ريتهـــا تعنيكــــى
يا إمـــــا حبـــى ع الدنيــــا بيغنيكـــــى
يا إمــا وداع وأنا الكسبان ولا أبكيكــــى

الشاعر المهندس: محمد محرم