بعيد الحب❤️❤️❤️
برق ورعد وليالي باردة
قدّيش محتاجة لصدرك يدفّيني
سهرات بتمرق وعيوني شاردة
مخاويها السّهر والنّوم مجافيني
ودموعي ببعدك عالوحدة شاهدة
ومحتاجة لقلبك،
من غدر الزّمن يحميني
وأحاسيسي الجوّاتي هامدة
ما حدا غيرا،
شايف وسامع أنيني
لكن أيّامي معك السّعادة مواعدة
رح تجمع الشّمل،
وجناحك يرجع يغطّيني
ومحبّتنا البالارض والسّما خالدة
قادرة تموّتني،
وترجع بلمساتك تحييني
واليوم بعيد الحب،
شفافي مش رايدة
غير تغمر شفافك،
لمّا بالعيد تهنيني.
عبير عربيد
خاصية التعليق غير مفعلة - يمكنك المشاركة على مواقع التواصل الاجتماعي