أتاري ي صاحبي
شعر..محمد جمال سنبل
أتاري ي صاحبي ساعتنا ساعات
تبدل دقايق بطول الساعات
و عقرب ساعاتك عند الساعاتي
يرن..يزن..يجن ف سكات
أتاري السكات وقت الممات
صحوة تدبر كل شتات
أنا أقصد حياتنا ف بتنا ف شارعنا
أتاري ي صاحبي ساعتنا ساعات
أتاري انت فاكر .. أتاري انت ناسي
وبكره مخبي ي تري التماسي
و لا الصباح..و الفجر صاح
أتاري ي صاحبي ساعتنا ساعات
شوية أماني و جد جد
و أجل لبكره و بعده و وعد
حنوصل هناك بس الساعات
أتاري ي صاحبي ساعات
تقول لي..دي لحظه مش ساعه و يوم
دي لحظه و نوصل و وقتك يمر
لحظه واحده و فرحك يسر ..
أتاري ي صاحبي ساعتنا ساعات
خاصية التعليق غير مفعلة - يمكنك المشاركة على مواقع التواصل الاجتماعي