نَعْوَس حبيبي…
نَعْوَس حبيبي وكلّ هَمُّو يْنام…
عالسّكت غَطّيتو بِعَيْني حْرام،
وصَفّيْت دَلْدِق من جفوني النَّوم،
وإسكُب على عيون الحَلا أنغام،
وإيدي بِشَعرو تِغزُل الأحلام!
عم حَضّر شويِّةْ نَعَس عالنار،
ورِشّ الهَنا عا غَفوِة الأشعار،
وحَرِّك عا نار الهاديِه النَّعسات،
وجرّب تا ما يْفور الوَعي الغَدّار،
ويِقلَق حبيبي ويِخلَص المشوار…
عم تِسهَر النَّجمات تُضْوي قْلوب…
نْغازِل سَوا النَهدات حتى تْتُوب،
نِلهي القَلق بِلِعبِة الياريْت،
ونِطفي الضجيج، نْفَلِّلُو عالبيت،
وتِسهر عُيوني عا غَفا المحبوب…
زينة شعاع ❤️🌹
