🌷موشح🌷
غزل …
السحر الباين عا خدودك
من شو مصنوع
غنيلي بأعلى صوتك
ضويلي شموع
شو حلوي لما بشوفك
يارفيق الروح
قاعد قبالي وقلبك
بالحب يبوح
وبروحي رح أبنيلك
أحلى الصروح
وكون الشعلة بقنديلك
والفجر طلوع
غيابك عني بيخلي
أحزاني تزيد
بنصاب بمية علة
لما بتحيد
لحبك بدي صلي
تالعمر يزيد
بيكفي لو بتقلي
هجرك ممنوع
أنت البلسم لجروحي
وعيونك شال
بتدفيني وجروحي
هجرت التلال
لما تغمرني روحي
بتعزف موال
وتملي بالعطر سفوحي
والعطر يضوع
………
رباب أحمد / سوريا/
