مـا أسهَـل الشِّعـر الـ بِنهـدىٰ للأبطـال
و بطل شو صَعبـة تَـنوفـي واجباتـو
هُوّي الطبيب الـخمس أشهر ومازال
صـامـد تَيوهـب حيـاة مِـن حيـاتــو
يا طبيب الـ معدَنَك بِهالعركِة انسطر
فدائي و ما غِلـي غالـي علـىٰ بـلادك
شو دينك شو جَبِلتـك ؟ و بِأيّ مطـر
مجبول يا مقَلق الغفا بفرشة رقـادك
إجـوك عشـرة و الـدمــا عـم تِنقَطــر
جـرحـىٰ ، و كـأنـو النـزيـف بفـؤادك
قلت أولىٰ فأولىٰ اللي حياتو بخطـر
و بَلشـت بالأخطـر تــداوي الجِــراح
و من اللي ناطرين أربعـة من ولادك
وهالمسعِف الـ تَدَرّع بسورة الإخلاص
جاري عالجريح اللي دماتو عم يصَفّو
بيعبـر الشــارع تحــت زخ الـرصــاص
و مَعــو رِفقـــة حـــول مِنـــو التفــــو
بِحِمليـن رجــع رغــم غــدرِة القنــاص
الجريح علىٰ كِتفو و يا خِفّة الأحمـال
و تـانـي حِمِـل ، حِمِــل روحـو عَكفّــو
و سـائـق الإسعـاف بِهـالعـزم الكبيـــر
بيِكسـف عيـون الــردىٰ و مـا بخـــاف
كأنـو بيِدعـس عَـراس العـدو الحقيـر
لما بيِدعس البنزين بسيارة الإسعـاف
خاصية التعليق غير مفعلة - يمكنك المشاركة على مواقع التواصل الاجتماعي