الجمعة, مايو 30, 2025
  • أسرة التحرير
  • مجلة أزهار الحرف
  • مكتبة PDF
  • الإدارة
azharalharf – مجلة أزهار الحرف
  • الرئيسية
  • أخبار
  • أدب
    • النقد
    • التراجم
    • القصة
    • شعر
    • الزجل
  • الفن التشكيلي
  • اخترنا لك
  • تنمية بشرية
  • حوارات
  • فلسفة
  • مقالات
لا نتيجة
أظهر جميع النتائج
  • الرئيسية
  • أخبار
  • أدب
    • النقد
    • التراجم
    • القصة
    • شعر
    • الزجل
  • الفن التشكيلي
  • اخترنا لك
  • تنمية بشرية
  • حوارات
  • فلسفة
  • مقالات
لا نتيجة
أظهر جميع النتائج
azharalharf – مجلة أزهار الحرف
لا نتيجة
أظهر جميع النتائج
  • الرئيسية
  • أسرة التحرير
البداية أدب الزجل

حنين الشرق

ناصر رمضان عبد الحميد by ناصر رمضان عبد الحميد
فبراير 3, 2022
in الزجل

يا ريتّ ثَوبْ الشعر والإلهام
يزغَر على الأوهام والأحلام
ويكّبر على الواقع وبالتحديد
تلبُس حقيقة رَغبتو الأيام
يا ريتّ ترجع ثورة التجديد
تِسمع شو بدو الشعر بالأقلام
يا ريت نرجع يا عرب ونعيد
مجد الشعر من خزنة الأعوام

نحنا العرب كنا نقول البيت
متل الشرف عَشفافنا يُطلع
واليوم صار الشعر عالسكيت
ما في حدا بيصَدق المطلع
نسيتو بإنو بّكِل دار وبيت
للكون نحنا الحرف والمقلع
واليوم صرنا عا لهيب الزيت
لو صنفونا ..قنبلة منُطّلَع

وين سيف الشرق يا إخوان ؟
وشعب النبي والحرف والقرآن؟
وين القبايل والهمم والسيف
وين المراعي والإبل والضيف
وين الرمح والخيل والفرسان؟

وين القصيدة من إرث شعبي ؟
كانت كإنها تياب للكعبة
واليوم صارت هرطقة ولعبه
يا غبن خنسا وثابت وحسان

ليش فرقنا الوقت والقهر
ليش ما منجمع سلال الزهر؟
شوقي سلامو من الصبا للنهر
وبعدو بيَّان النُطق ذاتّ لْسان

حلمي خَلَصّ يرّجَع الشرق يفوت
بدال القنابل يفّجُر المَكبوت
ويرجع قْطار يوَصِلّ البلدان
ولا في حدود ولا حَرسّ أو خوت
حلمي اذا بيوقف أبو عدنان
يصَرخ على الموقف كَفانا سكوت
تاكسي تاكسي مين؟ عا لبنان
من القاهرة نازل على بيروت

حلمي تعود الإم بالزفة
لما تجوز بنت بالعفة
تنزل من الاردن عا سوق الشام
تطرز فساتين وفرش.. وحرام
صوف العروبي يرجع يدفي

حلمي بَطل من تونس الخضراء
لو طلّ عهد الإنتدَاب وجاء
ينزل بِثورة لونها أحمر
وتكون يّدو لونها حمراء
قرفنا يكون المعبَر مسكر
قرفنا نزاع على الارض والماء
قرفنا حروب مّجالها أكبر
من ثأر بكر وداحس وغبراء

عا كل حال الشرق شو بدو
والأنبيا كِلُن إجو حدو
عُطيوه قيمة وتجربة ووقفات
لو طل نيزك قادر يصدو
ليش مختلفين ؟ عالصفحات
وكلو بِشوف الدين عا قدو
ورب الدني عا جنتو بالذات
هوي بِسامح متل ما بدو
بيكّفي على الخناس ما تردو
بيكفي بحبل التفرقة تشدو
الله عطاكن حبل في هالشرق
إعتصمو وبحبل من السما تهدو

ليش بدنا نخاف طيارة
تَعمُل علينا من السما غارة
ونحنا أبابيل السما من الجو
وعالارض كنا نلاشق حجارة
عَنجدّ يا هالشرق يا خسارة
نسينا إبن سينا وعُلوم الضو
وشفنا أبو النواس فُخارة
وعشنا مع الماضي يا ريتّ ولو
وشفنا المُستقبل رواية أو
كمشةّ صدف عا كفوف بصارة
عنجد يا هالشرق يا خسارة

منرجع بإذن الله والتوكيل
شعب واحد خارج التضليل
وكَف دجلة نمِد من بغداد
يسلم بإيدو عا كفوف النيل
وعتَاب هاك الشمس لولا بعاد
بتِبعُد عن الأهرام أنجق ميل
والريح لو وَدِتّ رِياحّ شّدَاد
قبالو أرز لبنان ما بيميل
ولولا القمر سكَر بوابو وعاد
من نَجِد منولع رُبع قنديل
والغيم تا يلبس تياب جداد
نازل الخيمة من الكويت يشيل
يا شرق طَيرّنا بسَماك ولاد
نحنا عرب نحنا ولاد الجيل
نحنا ولاد النصر والإكليل
منحِب نلعب في تراب الأرض
ما عاد بدنا لعبة التدويل
الشاعر سليمان الجوني

مشاركةTweetPin
المنشور التالي

حوار

آخر ما نشرنا

أخبار

الندوة الاخلاقيةإعداد : الدكتورة بهية الطشم

مايو 30, 2025
21

نظّمت الاستاذة الجامعية والدكتورة بهية الطشم ندوة ثقافية فلسفية بعنوان فلسفة الضمير المهني في كلية الآداب -الفرع الرابع يوم الجمعة...

اقرأ المزيد

فالنتينا ابراهيم /شفتان تتكلمان

مايو 30, 2025
21

عاشقة /غادة الحسيني

مايو 30, 2025
3

أميرة اللغات /سامح حامد

مايو 30, 2025
62

العيش في ذاكرة أحدهم /عبد الرحمن السري

مايو 29, 2025
28
  • الأكثر شعبية
  • تعليقات
  • الأخيرة

ليل القناديل /مريم كدر

يناير 15, 2024
ومضات /رنا سمير علم

رنا سمير علم /قصور الروح

أغسطس 11, 2022

ومضة /رنا سمير علم

أغسطس 11, 2022

الفنانة ليلى العطار وحوار مع أسرتهالمجلة أزهار الحرف /حوار مي خالد

أغسطس 23, 2023

ومضة

ومضات

زمن الشعر

عطش

الندوة الاخلاقيةإعداد : الدكتورة بهية الطشم

مايو 30, 2025

فالنتينا ابراهيم /شفتان تتكلمان

مايو 30, 2025

عاشقة /غادة الحسيني

مايو 30, 2025

أميرة اللغات /سامح حامد

مايو 30, 2025

الأكثر مشاهدة خلال شهر

شعر

قصر من نبض/ماريا حجارين

مايو 24, 2025
402

اقرأ المزيد

أحلام /ماريا حجارين

مايو 25, 2025
344

ماريا حجارين /حين يُجفّف الشوق أرواحنا

مايو 23, 2025
324

ماريا حجارين/أتعافى من ماذا ؟

مايو 29, 2025
303

موسوعة مدارت الحب

مايو 16, 2025
278
جميع الحقوق محفوظة @2022
لا نتيجة
أظهر جميع النتائج
  • الرئيسية
  • أسرة التحرير