يا دنيا ياللي
حالك تمللي
كله عجايب
وكمان غرايب
صندوقك اللي
مليان حكاوي
مليان شكاوي
ولا درج حاوي
مليان كمان
حبة غناوي
و كلام كتير
ف كتاب شهير
مليان حنين
لأجمل سنين
أحلام لبكرة
و يجي ١٠٠٠ ذكرى
لستة أسامي
و نمرة محامي
و هدوم ف شنطة
كام صورة باهتة
تكبير دماغ
و أوقات فراغ
قلم رصاص
وكلمة خلاص
حبة آلام
وقت الخصام
فكة فلوس
شمعة و فانوس
و قلوب حزينة
لما اتأذينا
و قلوب بتفرح
ليها ضحكة تشرح
و وشوش بتضحك
و حاسسها شكلك
حزمة مشاعر
و كلام و واعر
و سنين ف غربة
علي آله حاسبه
و جواب في ظرف
فيه الف حرف
كشكول طموح
غرقان دموع
و ذكرى حلوه
و كام كارت دعوه
لحظة فراق
و وقت اشتياق
و قرار حكيم
و كلام سليم
قصة نجاح
بعد الكفاح
و فرصة ضايعه
و كام واحده راجعه
و عالم تحبك
و ترد غيبتك
غيرهم يغشك
و يجيب ف سيرتك
و خروجة جامدة
فيها احلى قاعده
قعدة قهاوي
ممكن تقول
جلسة تداوي
طلعة مشاوي
مع حد غاوي
يا دنيا ياللي
صندوقك اللي
صندوق عجيب
اوقات يفرح
و ساعات كئيب
لكن غريب…. ولا درج حاوي
كلمات
سعيد عبدالله
مصر 🇪🇬
