الوطن مبينتهيش..
السجَر لوقطَّعوه مِالجذوع لازم يعيش..
والتاريخ مبيعرَفش صورة فِالأفيش..
الوطَن زيَّك أنتَ بالعزيمة رَاح يعيش..
شمس فوقنا مِن سِواها؟! الجذور متترويش..
طفل مايعرف مُحال.. عينُه للقمَّة مَبتجلّيش..
صُنِع في بلدي.. جُندي مِالأحرار مَبيتنسيش..
يا بهيَّة يا نديَّة ياللي ترابِك زيِّه مَفيش:
مهما حاولوا ولاد الإيه من خسيس ميختشيش..
إنتِ مقبرة الغزاه.. ياما خضعِتلك جِباه..
برضُه صابرَه.. تضرَبي المَثل فِالزعامَه متتوصيش..
لاجلك يا أمي أنا هايم فعشقك زي الدراويش.
أحمد فاروق بيضون – مصر 🌹
