حنين وغرام
بتوصفني
وأنا الل حاولت اعرفني
فمقدرتش
بترسم شوقي فى عيونى
كأنه مقام
وتلخبطنى بالفرشه
حنين وغرام
وأنا الل حياتي من قبلك
سنين احزانى خطفوها
حاولت كتير
وماقدرتش
اكون غير دمعه فى الكادر
برغم البعد والتوهه
فصدقني
منيش عارفه حدودى لفين
بشرق لما بتندهني
و اغرب لما تنسانى
وأحس الدنيا وخداني
أتوه وارجع وبلقاني
ملانه كلام
يفضفضنى
يخدني في حضنه بحنانه
برغم أنه بيوهمني
بأنى عروسه لبحوره
وانى السحر والألهام
ورعشه قلب وشعوره
وانى الحيز الواضح من الصوره
بيزرع ف القلوب فرحه
وايه يمنع براح العمر م الاحلام؟
حقيقي الصورة كات واضحه
وأحلامنا كانت فسحه
فبستسلم
واعيش فى سلام.
هالة جاب الله
