الإعلامية والأديبة المهجرية
كلود ناصيف حرب
في كلمات من أعماق الحب
عالسكت عم حاكيك
كلما بشوفك
بيكون بلّش صباحي
لأنّك إنت شمسي ونهاري.
يسلم هالحلو.
اللي سكوتو بيحكي
وسواد عيونو
حكاية حب غميقه غميقه.
ما إلها بدايه ولا نهايه .
وهيّي كل الحقيقه.
لفتات عيون أو نغم حنون،
هيك بفكر فيك
وعالسكت عم حاكيك.
وهيك #بحبك…
لأنك بعيد عن إيّامي
وساكن بأحلامي.
بغمّض عيوني
تا إلتقي فيك.
كيف الحلو اللي ناسينا،
خبّرونا الجيران
إنّو ما بقا يعرف أسامينا.
ونحا أسامينا حلوين
مشغولين من دهب وحنين.
قدّيش قلنا:
كتير مشتاقين!
تاري هوّي
عا حدا ما بيشتاق.
ولا بيفكّر فينا.
من هيك زْعِلنا وبكينا.
نغمات سحر العيون
والصوت الحنون.
وكتابي شعر مكتوب
بحبر الشوق والياسمين.
وأجمل حروف كلمة “بحبك”
يا احلى العاشقين.
