حديقة الفكر /رنا سمير علم

حديقة الفكر

جنينة الفكر حروف ملياني
نثر وشعر فصحى ولبناني
كلمات حبّ معلّقة عالشجر
خواطر من سيل الحبر
صارتْ حروف للنشر
من نور الكتب ولعاني

روح قول للبشر
موهبة من تراب الفكر
بالثقافة مزدانة
افتحوا بواب النصر
لكل يللي بيقرا كتاب
وعلى الطريق بينطرو كتاب تاني

من قلبي زرعتْ البيدر
غلال عناقيدها حلياني
من مروج السهرْ
العيون بالكتاب غرقاني

يا ويلو من القدر
يللي بيشرب حروف الشعر
بيسكر فيها نوعها متل الخمر
من نبيد الكلمات المعتّقة
من كلمات الكتّاب والشعرا
بيصير بدو كاس تاني

وقت اللي بيكتب الشاعر
على القافية الشعر
بيدوزِنْ حروف النثر
بيصير بدو ردّات تاني

اروقة العمر مزروعة
بأرض فيها الحبّ اختمر
بأرض الوطن اللبناني
بتصير بيادر النثر بالحب
تبشّر بشعر لبناني
بلد الارز بالشعر ولعاني

رنا سمير علم