مدري صرخة
جيت عالدني متل هبة ريح
مدري صرخة
مدري قضا من قبل العمه والسديم
مرمي بالدني والفضا سابح لبعيد
والدرب جبل وعسى الفرح قريب
خطوة من حنين و لحظة أنين
يا أنا جاهل بألوان النصيب
يا إما الرب تركني وحدي
اكتوي وقطّف الحلم المستحيل
أو رماني عالدرب
من قبل ما يخلق الدني ويصور التكوين
وقدّر بحكمته أتذكر كل شي
اختبرته بالأمس و مع كل طلة شمس
أتعلم من جديد
ربى منصور
خاصية التعليق غير مفعلة - يمكنك المشاركة على مواقع التواصل الاجتماعي