هند نصر /إنصح الحلم

إنصح الحلم “شو صار

إمبارح بنومي بصرت
إني بهل سما طرت
السما غطاها حمام
عا وسع المدى انتشر سلام
ما شفت فقير
ولا جوعان
إختفى الشر
اختفى الظلم
شفت السجن
من دون سجين
ولا سجان
من كل زاوية
سمعت ضحك البنات
وضحكات صبيان
من كل زاروب ودرب
تطل فرقة حب
قرع طبول وزغردة وانغام
منها لابسة ثياب مزركشة
بلون الفراشات مطرزة
ومنها لابسة الأبيض النقي
احترت مع مين غني؟!!
مع مين ارقص ؟ !!
ومع مين بلتقي ؟ !!
كل الكون شارك بهل مهرجان
بكل الفرح
التناغم
والإنسجام
طلبت من الله
خليني هون
بأحلى دني بهل كون
ما بدي اصحى من الحلم
اتركني بعد نام
.هند نصر. Hind Nasr
لبنان